轉眼...半年..

農曆五月初六   雨

宜：寫blog

忌：msn

轉下眼，就半年．
呢半年實在過得太快，亦都太愉快．
我無寫低，只係因為我已經將佢地記底晒係腦入面．
以前我唔信自己彈出0既音樂可以令自己享受，
但係我而家好相信，
因為我彈緊自己0既結他，享受其中．

P.S.呢篇blog係為你而打，若果你唔提起，或者我已經忘記．．．

回顧08, 展望09.

農曆十二月初六　　涷

宜：format

忌：中毒唔理　　　

08年，
感概良多．
好多事，好出力．
但係有部份用左死力．
都係響跌跌碰碰下學習同搵機會．
做得最錯，係開始左一段唔應該開始0既關係，
我真係好想同你講聲對唔住．
08年我好想多謝一d人，
字馬，Charles，Avis，Soso，摩納哥，Kary，Hono，Yan．
Dick，拉哥，Kevin，梁經理，Jeff，河馬．
你地全部都係我08年0既小天使，
係我迷失或者有事0既時候總會及時出現．
多謝你地．
08年最高興0既應該係搵番一班失散十幾年0既小學同學．
08年最大0既敵人應該係自己0既惰性．
希望09年真係好好改下呢個缺點．
上邊張相係我認為08年0既Best pic之一．
呢張相幾有總結我08年經歷0既總和．
多謝Carmen幫我featuring．
09年，All the best~

心情沉重下的一頓愉快晚飯--1

農曆十月十六  涼

宜：遠行

忌：親密接觸

每逢我心情低落0既時候，
有三樣野我覺得有幫助，
一支有quality0既wine，不論紅or白，
一次有quality0既sex experience，
一餐非常豐足0既晚餐，不論精神面與及物質面，
呢三樣其一都可以幫助我洗滌一下心靈，
今晚我食左一餐近來最豐足0既晚餐，
多謝你0既悉心打扮，為今晚點綴一下．

一笑置之

農曆十月十六  涼

宜：抒發己見

忌：大動肝火

我一直認為容忍力好同EQ高呢個特點係我0既致命傷，
我認為我搵唔到正確途徑發洩0既情況之下，
一爆果下，會係幾holy shit．．
今日我遇到三個人，
發生三件事去觸發我容忍力0既G點．
一個大學部門做0既所謂"主任"，
一個似熟賣熟0既PR佬，
一個上左年紀，毫無學識，粗聲粗氣，有事搵人無事陳大文0既同事，
三個我本應會爆0既事，
最後．．．
我用左好惋轉0既方法，
去"潤"左呢幾件"前輩"一下，
我係咪真係咁理性？
或者係，或者唔係．
又或者．．根本我已經無火，
唔係對份工作無火，而係個人無火，
不過呢三個"前輩"，真係同我上左"寶貴"0既一課．
出黎社會做野要成功生存，
唔一定要有料，唔一定要醒目，唔一定要叻，唔一定要勤力，唔一定要盡責，
最緊要識閃，識卸膊，識扮熟．
哈．

勞氣？！
留番啖氣放個屁仲有意思．

Looks like "Diamond"

農曆十月十二  涼

宜：換季

忌：妄自菲薄

不幸地Xbox遭遇不測，
最近0既嗜好就放晒落去部HTC度，
始終用緊既係舊型號，
貪靚0既我見到人地diamond有新介面，
始終有d唔抵得，
但係又無理由好似某君咁富貴一擲千金換新機，
於事乎翻箱倒籠，
俾我搵到新program，
繼i-phone介面後，Diamond介面正式換裝登場．
最主要同Brain條無聊精一齊研究，
好快就研發成功．
終叫做為我近黎單調乏味0既生活帶黎多少色彩．

我最近發覺有一個怪現象，
我好耐無影過相．
係無影過有自己樣0既相．
我睇番部電話，
全部唔係客，就係去做野0既相．．．
我發覺我已經樣衰到一個連我都唔想望到自己0既地步，
有冇朋友有方法幫到我？